12-වසර ජීව විද්‍යාව

ජීව විද්‍යාව හැඳින්වීම

             

ජීව විද්‍යාව හැදෑරීමේ වැදගත්කම

ජීවීන්ගේ විවිධත්වය පිලිබඳ අවබෝධය ලබාගැනීම සඳහා

                    පෘථිවිය බිහිවන්නට ඇත්තේ මීට වසර මිලියන 4500 කට පෙර යැයි අනුමාන කරනු ලබයි. පෘථිවියේ ජීවය බිහිවන්නට ඇත්තේ 3500 කට පෙර යැයි අනුමාන කරනු ලබයි. එදා සිට අද දක්වා පෘථිවිය තුළ ජීවය පවතී. මෙම කාලය තුළ පෘථිවියේ ජීවීන්ගේ විශාල විවිධත්වයක් ඇතිවී ඇත. ක්ෂුද්‍ර ජීවීන් , ශාක , සතුන් ලෙස ජීවීන්ගේ අධික විවිධත්වයක් ඇත. පෘථිවිය තුළ ජීවත් වන ජීව විශේෂ සංඛ්‍යාව මිලියන 30 ක් පමණ වේ යැයි ඇස්තමේන්තු කර ඇත. ජීව විද්‍යාව හැදෑරීම තුළින් මෙම අති විශාල ජීව විවිධත්වය පිළිබඳව ගැඹුරින් අධ්‍යයනය කිරීමට අවස්තාව ලැබේ. මෙම ජීව විවිධත්වය පිලිබඳ මාතෘකා හතරක් ඔස්සේ විදහා දැක්විය හැකිය.

                   1 ) තරම අනුව විවිධත්වය

                            බැක්ටීරියාවන් මයික්‍රෝමීටර  0.25 සිට මයික්‍රොමීටර 2 දක්වාද ප්‍රමාණයෙන් වෙනස් වේ. යෝධ රෙඩ්වුඩ් ශාකය මීටර 100 ක් පමණ උසට වැඩේ. විශාලතම පෘශ්ඨවංශියා වන නිල් තල්මසුන් හොඳින් වැඩුනු අලින් හතර දෙනෙකුගේ බරට සමාන හිසක් දරයි.විශාලතම අපෘෂ්ඨවංශියා වන යෝධ දැල්ලන් ටොන් 1.5 ක පමණ බරකින් යුක්ත වේ. යෝධ රෙඩ්වුඩ් ශාකයේ රූපයක් පහත දැක්වේ.

යෝධ රෙඩ්වුඩ් ශාකය

                   2 ) හැඩය අනුව විවිධත්වය

                             ජීවීන් හැඩයෙන් විවිධාකාර වේ. ස්ඩමහර බැක්ටීරියාවන් ගෝලකාර හැඩැති වන අතර සමහර බැක්ටීරියා දණ්ඩාකාර හැඩැති වේ. සමහරක් මත්ස්‍යයින් උදරීය මුඛ දරන අතර සමහර මත්ස්‍යයන් අග්‍රස්ථ මුඛ දරයි.

                  3 ) ආකාරය අනුව විවිධත්වය

                             සමහරක් ජීවීන් ඒකසෛලික වේ. සමහරක් ජීවීන් බහුසෛලික වේ.

                  4 ) ව්‍යාප්තිය අනුව විවිධත්වය

                             ජීවීන් සමහරෙක් භෞමික වාසීව පස තුළ හෝ පස මත වාසය කරයි. ( ගැඩවිල , පණු ගෙම්බා වැනි සතුන් පස තුළද හැකරැල්ලන් වැනි සතුන් පස මතද වාසය කරයි.)

                             සමහර ජීවීන් ජලජ වාසී වේ. ( ඉස්සන් පොකිරිස්සන් මත්ස්‍යයින් වැනි සතුන් )

                             සමහර ජීවීන් රුක්වාසී වේ. ( වඳුරන් , ලේනුන් වැනි සතුන් )

                             සමහර ජීවීන් වායව පරිසරයේ සිටියි. ( පක්ෂීන් )

 මානව දේහයේ ව්යුහය හා ක්‍රියාකාරීත්වය පිළිබඳ අවබෝධය ලබාගැනීම සඳහා

                        මිනිස් සිරුරේ සංවිධානය , සිරුර තුළ පද්ධති අතර ඇති අන්තර් සබඳතාවය , අවයව වල ව්යුහයට අදාළ ක්‍රියාකාරීත්වය පිළිබඳ ගැඹුරු අවබෝධයක් ලබාගැනීමට ජීව විද්‍යාව හැදෑරීමෙන් අවස්ථාව ලැබේ.

ශාක වල ව්යුහය හා ක්‍රියාකාරීත්වය පිළිබඳ අවබෝධයක් ලබාගැනීම සඳහා

                     ශාක යනු සුවිශේෂී ජීවියෙකි. ශාක පටක වල ව්යුහය , ශාක චලන , ශාක වල ප්‍රභාසංශ්ලේෂණය , ශ්වසනය , ද්‍රව්‍ය පරිවහනය , ශාකවල ප්‍රජනනය , ජීවන චක්‍රය , වර්ධනය හා විකසනය පිළිබඳ දැනුමක් ජීව විද්‍යාව හැදෑරීම තුළින් ලැබේ.

පරිසරය හා ස්වාභාවික සම්පත් කළමනාකරණය සඳහා

                        පරිසරයේ ඇති ස්වාභාවික සම්පත් ප්‍රමාණය සීමිතය. මිනිස් අවශ්‍යතා අසීමිතය. ජනගහනය වැඩි වීමත් සමඟ අවශ්‍යතා තවදුරටත් වැඩි වන අතර ඒවා ලබාගැනීමට යාමේදී පරිසරයට දැඩි හානි එල්ල වේ. එලෙස ඇතිවූ පාරිසරික ගැටළු රාශියකි. ඒවා නම්,

 * වායුගෝලයට CO2 වැඩිපුර නිදහස් වීම නිසා හරිතාගාර ආචරණය ඇතිවීම   

    නිසා ගෝලීය උෂ්ණත්වය වැඩි වීම.

 * ඕසෝන් වියන තුනී වීම.

 * අම්ල වැසි ඇතිවීම.

 * ගංගා හා භූගත ජලය අපවිත්‍ර වීම හේතුවෙන් අනාගත්යේදී පානීය ජල   

    හිඟතාවක් ඇතිවීම.

 * ජලයේ PH අගය වෙනස් වීම.

                       මෙම පාරිසරික ගැටළු විසඳා ගැනීම සඳහා ජීව විද්‍යාත්මක දැනුම භාවිතා කළ හැකිය.

 

තිරසර ලෙස ආහාර නිෂ්පාදනය වැඩි කිරීම සඳහා

              වර්තමාන ලෝක ජනගහනය බිලියන 7 ක් (කෝටි 700) පමණ වේ. වත්මන් ලෝක ජනගහන වර්ධන වේගයට අනුව තත්පරයට පුද්ගලයින් තිදෙනෙකු ලෝකයට එක්වේ. එසේම ඉදිරි වසර 40 කට නොඅඩු කාලයකදී මානව ගහනය දෙගුණ වේ යැයි අපේක්ෂා කරයි. මෙලෙස වැඩිවන මානව ගහනය සඳහා ආහාර නිශ්පාදනය තිරසර ලෙස වැඩි කිරීමට සිදුවේ. එහිදී භෝග වගාකරන ක්ශේත්‍රඵලය ප්‍රායෝගික නොවේ. මෙහිදී ඒකක ක්ශේත්‍රඵලය ලබාගන්න අස්වැන්න වැඩිකර ගත යුතුය. ඒ සඳහා වැඩි අස්වැන්නක් ලබාගත හැකි ප්‍රභේද වගා කළ යුතුය. පසු අස්වනු තාක්ෂණය දියුණු කර අපතේ යාම අඩු කර ගත යුතුය. මේ අනුව ආහාර නිෂ්පාදනය දියුණු කිරීම සඳහා ජීව විද්‍යාත්මක දැනුම අත්‍යාවශ්‍ය වේ.

රෝග වලට හේතු හා ඒවායේ බලපෑම අවබෝධ කරගැනීම සඳහා

                ලොව පුරා පැතිරී ඇති AIDS රෝගය දරුණු සෞඛ්‍යමය ගැටලුවකි.එසේම අප්‍රිකානු රටවල් වල වසරකර මිලියන තුනකට අධික ප්‍රමාණයක් මැලේරියා රෝගය නිසා මිය යයි. ඇතැම් විට සමහර අලුත් රෝග ලෝකය පුරා වසංගතයක් සේ පැතිරී යයි.( එබෝලා රෝගය ). මෙම රෝග සඳහා ප්‍රථිකාරක ක්‍රම හා සුව කිරීම පිළිබඳව ජීව විද්‍යාත්මක දැනුම අත්‍යවශ්‍ය වේ.  

සමහර ආචාරධර්ම හා නීත්‍යානුකූල ගැටලු සඳහා උපදේශන සැපයීම සඳහා

                 DNA හා ඇඟිලි සලකුණු තාක්ෂණය වැනි තාක්ෂණික ශිල්ප ක්‍රම මඟින් මාතෘත්වය පීතෘත්වය තහවුරු කිරීම හා අපරාධයකදී සැකකරුවන් අතුරින් සැබෑ අපරාධකරු හඳුනාගැනීම සඳහා භාවිතා කළ හැකිය. එම නිසා ජීව විද්‍යාත්මක දැනුම අධිකරණ කටයුතු වලදී වැදගත් වේ.

 


ලිපිය නිර්මාණය කලේ,
T
Theekshana Senanayaka


MEMBER

අදාල තවත් ලිපි,



Theekshana Senanayaka

12-වසර ජීව විද්‍යාව

අනෙකුත් ලිපි